Як у Беларусі павышаюць эфектыўнасць прадухілення і ліквідацыі НЗ

У Беларусі дзяржсістэма папярэджання і ліквідацыі НЗ і грамадзянская абарона аб'ядноўваюцца ў адзіную сістэму. Як заяўляюць эксперты, гэта павысіць эфектыўнасць прадухілення і ліквідацыі надзвычайных сітуацый.

Сістэма будзе працаваць у трох рэжымах: паўсядзённая дзейнасць, павышаная гатоўнасць і надзвычайная. Дарэчы, рэжым павышанай гатоўнасці ў 2024 годзе актываваўся 45 разоў і даказаў, што службы гатовы аператыўна рэагаваць на выклікі і пагрозы. Штогод таксама праводзяцца вучэнні і трэніроўкі: такіх за год было праведзена больш за 7 тыс.

У 2025 годзе завершыцца мадэрнізацыя сістэмы абвесткі аб надзвычайных сітуацыях. Для абароны насельніцтва захаваны фонд ахоўных будынкаў грамадзянскай абароны. Іх стан увесь час кантралюецца. Неўзабаве створаць і анлайн-карты з указаннем месцазнаходжання ўсіх укрыццяў. У саміх будынках будуць размешчаны паказальнікі - усё для бяспекі насельніцтва.