Юрый Дзяркач: Задача СМІ - адлюстроўваць рэальнае жыццё, паказваць тыя праблемныя пытанні, якія існуюць

Ролю рэгіянальных сродкаў масавай інфармацыі ў развіцці сацыяльнага партнёрства абмеркавалі ўдзельнікі адкрытага дыялогу, які прайшоў па ініцыятыве Віцебскага абласнога аб'яднання прафсаюзаў. Да ўдзелу былі запрошаныя журналісты, што працуюць у рэгіёне і асвятляюць жыццё вобласці. Сумеснымі намаганнямі ў прэсе публікуецца больш інфармацыі аб чалавеку працы, аб тым, што яго хвалюе. На старонках друкаваных выданняў, у тэле- і радыёэфіры было размешчана больш як 5 тысяч публікацый і больш за 20 тысяч - у інтэрнэт-рэсурсах. Лепшыя аўтары атрымалі ўзнагароды. У ліку лаўрэатаў і здымачная група Віцебскага карэспандэнцкага бюро Агенцтва тэлевізійных навін.

У Віцебскай вобласці прадстаўленыя 15 галіновых прафсаюзаў, у якіх знаходзяцца 75 працэнтаў занятых у эканоміцы жыхароў. У вобласці дзейнічае больш за дзве з паловай тысячы калектыўных дагавораў.