З 1 лютага бюджэт пражытачнага мінімуму складзе 447 беларускіх рублёў

У Беларусі з 1 лютага павышаецца бюджэт пражытачнага мінімуму, які перавысіць 447 беларускіх рублёў.

Услед за БПМ аўтаматычна пераглядаюцца розныя надбаўкі і павышэнні, а таксама асобныя сацыяльныя выплаты. Напрыклад, вырастуць дапамогі для сем'яў, якія выхоўваюць дзяцей. Так, пры нараджэнні першага дзіцяці выплацяць 10 бюджэтаў пражытачнага мінімуму, а за другога і наступных дзяцей - 14 БПМ.

Акрамя таго, павялічацца сацыяльныя пенсіі і ўзроставыя надбаўкі. З пачатку новага месяца вырастуць і дапамогі па доглядзе інваліда I групы, а таксама асоб, якія дасягнулі 80 гадоў.

Бюжэт пражытачнага мінімуму пераглядаецца 4 разы на год.