За якімі парушальнікамі дарожнага руху на гэтым тыдні актыўна сочыць ДАІ Мінска?

ДАІ Мінска працягвае сачыць за парушальнікамі правілаў стаянкі. На кантролі вадзіцелі, якія пакідаюць свае аўтамабілі на месцах паркавання аўто для інвалідаў. Асаблівую ўвагу надаюць паркоўкам каля адміністрацыйных будынкаў, устаноў аховы здароўя, гандлёвых цэнтраў і ў дварах.

Інспектары ДАІ праводзяць з вадзіцелямі тлумачальныя размовы, заклікаюць аўтааматараў выконваць правілы спынення і стаянкі, а таксама праяўляць павагу да людзей з абмежаванымі магчымасцямі.