За апошнія 5 гадоў цюбінгавая траўма выйшла на першае месца

У Беларусі снежна і марозна. З-за гэтага павялічылася колькасць траўм падчас катанняў на цюбінгах. За апошнія пяць гадоў гэтыя пашкоджанні выйшлі на першае месца. Урачы адзначаюць: практычна ўсе пацыенты, дастаўленыя ў прыёмныя пакоі з горак, траўміраваныя на "стыхійных" спусках.

Зараз за забавамі на снежных горках уважліва сочаць і супрацоўнікі ДАІ. З бацькамі інспектары праводзяць размовы. Акрамя таго, сумесна з камунальшчыкамі крутыя спускі ля дарог па магчымасці агароджваюць і пасыпаюць пяском.