Заява МЗС у сувязі з прыняццем чарговага пакета санкцый у дачыненні да Беларусі

03.12.202116:09

МЗС Беларусі выступіла з заявай у сувязі з прыняццем ЗША, Вялікабрытаніяй і Канадай чарговага пакета санкцый супраць нашай краіны. Гэтае рашэнне, гаворыцца ў дакуменце, наглядна дэманструе, да якога цынізму і двудушнасці могуць дайсці ваяўнічыя дэмакратызатары ў сваіх дарэмных намаганнях паставіць на калені непажаданыя краіны і народы.

Спехам сфабрыкаваныя апалагетамі санкцыйнай палітыкі псеўдааргументы аб "падрыве міру і бяспекі ў Еўропе" і тым больш аб "эксплуатацыі ўразлівых мігрантаў" абсалютна негрунтоўныя. Відавочна, што ў падрыве бяспекі і міграцыйным крызісе вінаватая не Беларусь, а якраз заходнія дзяржавы, якія разбурылі мір і ўклад жыцця ў краінах - крыніцах міграцыі. Прычым асноўны струмень бежанцаў і мігрантаў ідзе ў Еўропу зусім не праз Беларусь. І нашы заходнія партнёры гэта выдатна ведаюць, але аддаюць перавагу не слухаць і не чуць ніякіх аргументаў.

У знешнепалітычным ведамстве Беларусі адзначылі, што на ўсе недружалюбныя антыбеларускія крокі рушаць услед адэкватныя меры ў адказ. І падкрэслілі: адзінае выйсце з гэтай сітуацыі ў адносінах з Захадам - раўнапраўны дыялог і ўзаемавыгаднае супрацоўніцтва, да якога Беларусь гатовая вярнуцца ў любы момант.

У. Макей: Не ўсе ў ЕС згодныя з увядзеннем новага пакета санкцый

Але, як аказалася, у Еўрасаюзе далёка не ўсе ў курсе, што супраць Беларусі ўводзяць новыя абмежаванні. Наогул праз санкцыйнае супрацьстаянне немагчыма дасягнуць мэт, пры далейшай эскалацыі Еўрасаюз страціць Беларусь. Гэту думку выказаў міністр замежных спраў Уладзімір Макей на пасяджэнні СМЗС АБСЕ ў Стакгольме.І многія з еўрапейскіх палітыкаў згодныя з такім пунктам погляду.

Эксклюзіўнае інтэрв'ю Уладзіміра Макея тэлеканалу "Беларусь 1" глядзіце 4 снежня ў "Панараме". А разгорнутую версію размовы - у "Галоўным эфіры" ў гэтую нядзелю, 5 снежня.