Жыхары Мінска падтрымліваюць праваахоўнікаў

Падтрымліваць парадак на вуліцах і спыняць парушэнне закона.

Беларускія дружыннікі працягваюць праводзіць рэйды па вуліцах Мінска. Па словах праваахоўнікаў, колькасць грамадзян, неабыякавых да будучыні нашай краіны, пастаянна расце. Напрыклад, сёння вечарам Савецкае РУУС папоўнілася новымі добраахвотнікамі.

Сёння толькі ў Мінску чырвоную павязку дружынніка надзелі ўжо больш за паўтары тысячы чалавек. Адметна, што ў атрады ідуць не толькі мужчыны, ёсць і дзяўчаты. Дапамагчы міліцыі ў барацьбе з дэструктыўнымі сіламі сёння можа кожны беларус. Для гэтага трэба толькі напісаць адпаведную заяву ў мясцовым аддзяленні міліцыі. Як правіла, адабрэнне кандыдатуры не займае больш чым два рабочыя дні.