Анатоль Глаз заявіў, што Мінск можа адклікаць заяўку на ўступленне ў Савет Еўропы

Беларусь можа адклікаць заяўку на ўступленне ў Савет Еўропы - так пракаменціраваў вынікі саміту арганізацыі, якая прайшла ў сталіцы Ісландыі 16-17 мая, прэс-сакратар МЗС нашай краіны Анатоль Глаз. Ён са шкадаваннем адзначыў, што фінальная дэкларацыя форуму стала працягам курсу на дыскрымінацыю і ўшчамленне правоў Рэспублікі Беларусь, развіццё кантактаў з экстрэмістамі, якія заклікаюць да новых санкцый і тэрактаў супраць насельніцтва нашай краіны.

Абсалютна дзікім і недарэчным, паволде слоў дыпламата, выглядае заяўлены ў выніковай дэкларацыі тэзіс аб дачыненні Мінска да нібыта гвалтоўнага перамяшчэння ўкраінскіх дзяцей.

Анатоль глаз падкрэсліў, што Беларусь прымала, прымае і будзе прымаць дзяцей з краін, якія сутыкнуліся з ваеннымі, прыроднымі і тэхнагеннымі крызісамі і катастрофамі.

Як гэта рабілася для дзяцей з Японіі пасля аварыі на АЭС у Фукусіме ў 2011 годзе, дзяцей з Сірыі ў перыяд актыўных баявых дзеянняў у 2017 і гэтак далей. З 2016 года Беларусь прымае дзяцей з Украіны. Пры гэтым выконваюцца ўсе неабходныя прававыя працэдуры. Мы робім гэта адкрыта і транспарэнтна, у тым ліку ў супрацоўніцтве з міжнароднымі арганізацыямі і фондамі, уключаючы ЮНІСЕФ, дадаў дыпламат. І падкрэсліў пазіцыю Беларусі па дадзеным пытанні: для нас важна кожнае выратаванае жыццё, тым больш жыццё дзіцяці.