Беларусь не застаецца ўбаку: спецборт з гуманітарнай дапамогай вылецеў у разбураны рэгіён Сірыі

Гэтай ноччу спецборт з Беларусі вылецеў з гуманітарнай дапамогай у Сірыю. Даставіць груз даручана беларускім ратавальнікам. На борце самае неабходнае - мясныя кансервы, згушчанае малако, каркасныя палаткі, коўдры, медыкаменты, цёплае адзенне для дзяцей і дарослых. Склад 25-тоннага грузу ўзгоднены з сірыйскім бокам. Па даручэнні Прэзідэнта Рэспублікі Беларусь у адпаведнасці з пастановай Савета Міністраў Міністэрствам па надзвычайных сітуацыях за кароткі тэрмін аператыўна сфарміраваны гуманітарны груз вагой каля 25 тон, аб'ёмам каля 100 метраўкубічных і коштам больш чым 1 млн беларускіх рублёў.
Беларусь шосты раз аказвае гуманітарную дапамогу Сірыі. Усяго з 1999 года гэта будзе васьмідзясятая акцыя аказання гуманітарнай дапамогі трыццаці тром краінам.