Гэта толькі пачатак! На трываласць будуць выпрабоўваць усіх - рэзанансныя заявы Лукашэнкі на саміце СНД у Астане

У СНД ёсць усё, каб максімальна знізіць залежнасць ад агульнасусветных узрушэнняў і недружалюбных крокаў агрэсіўна настроеных дзяржаў.

Такую заяву зрабіў беларускі Прэзідэнт на саміце лідараў Садружнасці ў Астане. У сталіцы Казахстана ў Аляксандра Лукашэнкі была звышнасычаная праграма. Акрамя ўдзелу ў міжнародных форумах, адбылася серыя двухбаковых перамоў. Гаварылі толькі аб актуальным, у тым ліку і для ўсяго СНД.

На трываласць будуць выпрабоўваць усіх! Падзеі апошняга часу гэта толькі пацвярджаюць. Ніхто сёння не застрахаваны ад гібрыдных атак. Пры гэтым адчуваецца дэфіцыт узаемнай падтрымкі ў гэтым напружаным становішчы. Не ў дакор, але да ўвагі гэта было сказана Аляксандрам Лукашэнкам сваім калегам у Садружнасці.

Што датычыцца Беларусі - мы не зацікаўлены ў якой-небудзь эскалацыі сітуацыі. І ў бяспецы, і ў эканоміцы толькі абараняем краіну і нашы нацыянальныя інтарэсы. Падрабязнасці ў Наталлі Брэвус (відэа).