Галоўчанка: Беларусь і Куба сумесна супрацьстаяць санкцыйнаму дыктату і выступаюць за хутчэйшую пабудову новага справядлівага свету

Прадметна пра новыя сумесныя праекты гаварылі ва ўрадзе. Адзначылі важнасць узаемадзеяння краін на міжнароднай арэне. Беларусь і Куба заўсёды аказваюць адзін аднаму падтрымку. Сумесна супрацьстаяць санкцыйнаму дыктату і выступаюць за хутчэйшую пабудову новага справядлівага свету. Аб гэтым заявіў прэм'ер Раман Галоўчанка на сустрэчы са сваім калегам Мануэлем Марэра Крусам.

Сёння краіны гатовы сумеснымі намаганнямі адстойваць свой суверэнітэт, незалежнасць і развіваць двухбаковае ўзаемадзеянне на карысць людзей. Як раз для актывізацыі супрацоўніцтва Беларусь будзе нарошчваць экспартнае крэдытаванне сваёй прадукцыі на Кубу. Дзеючае пагадненне аб узаемных пастаўках дапамагае развіваць супрацоўніцтва, і ўжо распрацаваны праект пратакола для павелічэння аб'ёму продажаў, пашырэння пераліку тавараў і колькасці прадпрыемстваў.

Усе гэтыя праекты дэталёва разгледзіць сумесная беларуска-кубінская рабочая група па гандлёва-эканамічным супрацоўніцтве. Яе пасяджэнне запланавана на першы квартал наступнага года ў Мінску.