Новы ўзровень партнёрства Беларусі і Зімбабвэ

Беларусь узмацняе эканамічную прысутнасць у Афрыцы. Кіраўнік дзяржавы сёння правёў сустрэчу з міністрам замежных спраў і міжнароднага гандлю Зімбабвэ.

Фрэдэрык Шава прыбыў у Беларусь напярэдадні. Візіт вельмі насычаны і прадуктыўны. Гэта, па сутнасці, працяг кантактаў і дамоўленасцяў, дасягнутых на вышэйшым узроўні падчас дзяржаўнага візіту нашага Прэзідэнта ў Зімбабвэ. Краіны падпісалі аб'ёмны пакет дакументаў. Гэта ў тым ліку пагадненні аб заахвочванні і ўзаемнай абароне інвестыцый і аб стварэнні сумеснай пастаяннай камісіі па супрацоўніцтве. Зімбабвэ можа стаць хабам для гандлю Беларусі з краінамі Паўднёвай Афрыкі. Прэзідэнт Мнангагва паабяцаў асабістае садзейнічанне ў развіцці супрацоўніцтва з Мазамбікам.

Перспектыўнасць працы на Афрыканскім кантыненце Аляксандр Лукашэнка адзначаў заўсёды. Адназначна за Афрыкай будучыня. Беларусь прыйшла туды са шчырымі намерамі сябраваць і працаваць. На перамовах лідар гэтай краіны падкрэсліў, што верыць у практычныя вынікі супрацоўніцтва і ўдзячны беларускаму лідару за падтрымку. А Зімбабвэ яна патрэбная не толькі палітычная, але і практычная. І Беларусь гатова падставіць плячо ў любы момант і па абсалютна ўсіх напрамках, дзе ў калег ёсць цікавасць.