Рэалізацыя Саюзных праграм, навукова-тэхналагічнае развіццё, космас і мікраэлекторніка - Савет міністраў Саюзнай дзяржавы пройдзе ў Маскве

Рэалізацыя сумесных праграм і распрацоўка навукова-тэхналагічнага развіцця стануць аднымі з галоўных тэм Саюзнага саўміна. Ён сёння збярэцца ў Маскве. На пасяджэнні таксама абмяркуюць узаемадзеянне ў галіне космасу, сферы мікраэлектронікі. Беларусь на перамовах прадставіць прэм'ер-міністр. Таксама запланавана сустрэча Рамана Галоўчанкі са старшынёй урада Расіі Міхаілам Мішусціным у фармаце адзін на адзін.

У аўторак кіраўнік беларускага ўрада накіруецца ў Валгаград, дзе сустрэнецца з губернатарам гэтага края. Таксама плануецца наведванне шэрагу прадпрыемстваў. У Валгаградскай вобласці беларуская дэлегацыя будзе рашаць задачы нарошчвання экспарту ў гэты рэгіён, імпартазамяшчэння і рэалізацыі сумесных праектаў.