Стартаваў афіцыйны візіт парламенцкай дэлегацыі Беларусі ў Азербайджан

Беларусь працягвае ўмацоўваць стратэгічнае партнёрства з Азербайджанам. Афіцыйны візіт у Баку пачынае парламенцкая дэлегацыя на чале са старшынёй Палаты прадстаўнікоў Ігарам Сергеенкам.

Паездка арганізавана паводле даручэння кіраўніка дзяржавы. Запланавана сустрэча з прэзідэнтам Азербайджана Ільхамам Аліевым, бакі абмяркуюць ключавыя кірункі двухбаковага супрацоўніцтва.

Дэлегацыя таксама возьме ўдзел у 13-й сесіі Сусветнага форуму гарадоў, які праводзіцца пад эгідай ААН. Асобная ўвага - развіццю міжпарламенцкіх сувязяў.