Другі дзень работы міжурадавага савета ЕАЭС: у Нясвіжы пройдзе пасяджэнне ў пашыраным складзе

Беларусь прымае міжурадавы савет ЕАЭС. Сёння другі дзень. У Нясвіжы пройдзе пасяджэнне ў пашыраным складзе.

Плануецца разгледзець гадавую справаздачу ЕЭК наконт канкурэнцыі на трансгранічных рынках. Таксама будзе абмяркоўвацца тэма стварэння і развіцця транспартнай інфраструктуры ў напрамках Усход - Захад і Поўнач - Поўдзень, у тым ліку ў рамках спалучэння з кітайскай ініцыятывай "Адзін пояс - адзін шлях". Напярэдадні прэм'еры збіраліся ў вузкім складзе. Да калег звярнуўся беларускі прэм'ер Раман Галоўчанка.

Таксама напярэдадні прэм'еры абмеркавалі харчовую бяспеку ў ЕАЭС. Яна складае 94 %. Пры гэтым ёсць яшчэ шэраг праблем, якія трэба вырашаць разам.

Дарэчы, у маі ЕАЭС споўнілася 10 гадоў. За гэты перыяд зроблена нямала. Сукупны ВУП інтэграцыйнага аб'яднання сёння складае 2,4 трлн долараў. У два разы вырас узаемны гандаль.

Сталі больш гандляваць з трэцімі краінамі. Аб'ём прамысловай вытворчасці павялічыўся на 22 %, сельскагаспадарчай - на 25 %. На траціну ўзраслі інвестыцыі ў асноўны капітал. Нараўне з гэтым расце доля разлікаў у нацыянальных валютах. Па выніках мінулага года гэты паказчык дасягнуў амаль 90 %.