Аляксандр Лукашэнка прыбыў у Бішкек для ўдзелу ў саміце Шанхайскай арганізацыі супрацоўніцтва

Аляксандр Лукашэнка прыбыў у Кыргызстан з двухдзённым рабочым візітам. Самалёт Кіраўніка дзяржавы ажыццявіў пасадку ў міжнародным аэрапорце Бішкека.

Чырвоныя дывановыя дарожкі, хлеб-соль і ганаровая варта. Беларускага лідара сустракалі па ўсіх канонах гасціннасці. Сёння для ўсіх удзельнікаў саміту Шанхайскай арганізацыі супрацоўніцтва запланавана нефармальная вячэра ад імя прэзідэнта Кыргызстана, а таксама госці запрошаны на гала-канцэрт.

Ужо заўтра вялікую "еўразійскую васьмёрку" чакае насычаная рабочая праграма. У дзень перамоў Аляксандр Лукашэнка прыме ўдзел у пасяджэнні Савета кіраўнікоў дзяржаў Шанхайскай арганізацыі супрацоўніцтва. Выступленне плануецца падчас працы лідараў у пашыраным складзе. Прэзідэнт акрэсліць пазіцыю Беларусі па актуальнай міжнароднай тэматыцы і далейшым развіцці супрацоўніцтва ў рамках дадзенага інтэграцыйнага аб'яднання. Нагадаем, рашэнне аб павышэнні статусу Беларусі ў аб'яднанні да назіральніка было прынята 4 гады таму на саміце кіраўнікоў дзяржаў ва Уфе. Перш за ўсё цікавасць для нашай краіны ўяўляе развіццё агульнай транспартнай прасторы. Дарэчы, Шанхайская арганізацыя супрацоўніцтва займае адно з вядучых месцаў сярод сусветных інтэграцый.