Іван Тэртэль прызначаны ўпаўнаважаным Прэзідэнта па Віцебскай вобласці

Развіццё Віцебскай вобласці і лясная гаспадарка ўсёй рэспублікі. Гэтыя пытанні будуць у кампетэнцыі кіраўніка дзяржкантролю. Такое даручэнне падчас рабочай сустрэчы Івану Тэртэлю даў Аляксандр Лукашэнка.

Нагадаем, Іван Тэртэль на пасаду старшыні камітэта быў прызначаны нядаўна - без малога два месяцы назад. За гэты час кіраўнік ведамства разабраўся са структурай, пазнаёміўся з кадрамі і прадставіў Прэзідэнту даклад аб стане спраў у камітэце. Другое пытанне рабочай сустрэчы было звязана з дадатковым даручэннем Кіраўніка дзяржавы.

Іван Тэртэль далажыў Прэзідэнту аб выніках работы камітэта і перспектывах яго дзейнасці. Што датычыцца развіцця Віцебскай вобласці, Іван Тэртэль да рэгулярных камандзіровак у гэты рэгіён гатовы.

Падчас сустрэчы Аляксандр Лукашэнка таксама звярнуў увагу на тое, што дзяржаўны кантроль павінен насіць папераджальны і прафілактычны характар.