Саюзныя праграмы, сумесны медыяхолдынг і адмену роўмінгу абмеркавалі на сустрэчы Прэзідэнта з дзяржаўным сакратаром СД

Пра рух па інтэграцыйным трэку і развіццё беларуска-расійскіх адносін ішла размова сёння на сустрэчы Прэзідэнта з дзяржаўным сакратаром Саюзнай дзяржавы Дзмітрыем Мезенцавым.

Як было сказана, 2023 год пачынаецца заканамерна, з актуалізацыі нашага саюзнага парадку дня. Самы час падвесці вынікі пройдзенага шляху, акрэсліць планы на будучыню. Для гэтага неабходна вышэйшыя органы Саюзнай дзяржавы сабраць у вочным фармаце. Беларускі бок прапанаваў алгарытм. Спачатку саюзны Саўмін правядзе сваё пасяджэнне. Па выніках будзе вызначана пасяджэнне Вышэйшага дзяржаўнага савета на ўзроўні першых асоб.

У Саюзнай дзяржаве неабходна стварыць моцны і сучасны медыяхолдынг

Прэзідэнт закрануў тэму супрацоўніцтва ў інфармацыйнай сферы. Яна не новая. Раней ужо гучала неабходнасць рэфармавання саюзных СМІ і стварэння сумеснага медыяхолдынга.

Парадак дня будучага пасяджэння ВДС: саюзныя праграмы, эканамічныя вынікі, адмена роўмінгу і сімволіка

Што датычыцца правядзення Вышэйшага Дзяржсавета Саюзнай дзяржавы, то з дакладнай датай яшчэ вызначацца. Але парадак дня прынцыпова падтрыманы. Гэта ў першую чаргу вынікі гандлёва-эканамічнага ўзаемадзеяння. У цэнтры ўвагі будзе і канцэпцыя інфармацыйнай бяспекі Саюзнай дзяржавы.

Як адказ на змяненне становішча ў рэгіёне Усходняй Еўропы ўзнялі пытанні адмены роўмінгу і сімволікі інтэграцыйнага аб'яднання, заслухалі даклад урадаў аб рэалізацыі 28 саюзных праграм, якія былі зацверджаны ў лістападзе 2021 года. Гэта стала сапраўды гістарычным рашэннем лідараў і татальнай перазагрузкай эканамічнай прасторы Беларусі і Расіі. Што асабліва важна, на фоне несправядлівага санкцыйнага, палітычнага і інфармацыйнага націску на нашы краіны.

Зладжана дзейнічаюць і знешнепалітычныя ведамствы. Кожныя два гады МЗС Беларусі і Расіі прымаюць праграму ўзгодненых дзеянняў у галіне знешняй палітыкі. У найбліжэйшы час на сумеснай калегіі дыпламаты чарговы раз звераць гадзіннікі.