Прэзідэнт на сустрэчы з актывам Брэста: Бізнес, які сапраўды працуе, мы заўсёды будзем падтрымліваць

Па-сапраўднаму знакавым для Брэста стаў мінулы год, калі з размахам адсвяткавалі тысячагадовы юбілей. Горад абнавіўся. Абавязвала не толькі прыгожая дата, але і статус. Гэта нашы заходнія вароты, менавіта па Брэсце ў многіх складваецца першае ўражанне аб краіне. Зроблена ўсё, каб і ўражанні гасцей, і адчуванні саміх жыхароў гэтага абласнога цэнтра былі самымі лепшымі. І зроблена нямала. Ад заходняга абходу - кальцо разгрузіла горад, што ва ўсіх сэнсах дазволіла ўздыхнуць вальней - да іншых важных для людзей аб'ектаў. Да 1000-гадовага юбілею іх з'явілася два дзясяткі. Рэканструявалі набярэжную, абнавілі парк адпачынку, пабудавалі школу, дзіцячы сад і многае іншае. Усё сіламі нашых будаўнікоў, нашых людзей. Вынік намаганняў - горад, у якім хочацца жыць. Але сёння размова не толькі пра тое, чым жыве Брэст і рэгіён гэтымі днямі, а галоўнае, што стане рухаючай сілай на найбліжэйшы час. Вядома, гарантыя любых здзяйсненняў - людзі. Неабыякавыя, ініцыятыўныя. Тыя, у каго душа баліць за родныя месцы. "Сустрэча з актывам" - так суха і афіцыйна акрэслілі гэту размову. Але ў гэтай зале ўсе тыя, хто сапраўды займае актыўную жыццёвую пазіцыю, калі размова ідзе пра Брэсцкую вобласць. Сёння прайшліся па ўсіх тэмах - ад АПК да падтрымкі бізнесу і стаўкі на лагістыку.

Без залпаў гармат, але краіну прыходзіцца адстойваць і сёння. Краіну, у якой за два дзясяткі гадоў, напрыклад, зрабілі вялізны крок у тэхналогіях АПК, дзе змаглі палепшыць многія сацыяльныя паказчыкі. Хапае яшчэ болевых пунктаў - ад працы рэальнага сектара і пытанняў экспарту да працоўнай міграцыі, дэфіцыту знакавых для рэгіёна інвестпраектаў. Гэта падстава для разважанняў. Але для гэтага і сустракаюцца, каб абазначыць усе вузкія месцы. Прыкласці максімум намаганняў для вырашэння гэтых пытанняў, бо ў выніку ўсё гэта ўплывае на ўзровень жыцця людзей.

І сёння пасля сустрэчы з актывам горада Аляксандр Лукашэнка пагаварыў з прадстаўнікамі брэсцкай апазіцыі. Абмеркавалі розныя пытанні: будаўніцтва жылля, добраўпарадкаванне горада. У прыватнасці, гаварылі пра лёс акумулятарнага завода. Кіраўнік дзяржавы паабяцаў аб’явіць у Брэсце рэферэндум па гэтым пытанні, каб жыхары самі вырашылі, быць прадпрыемству або не.