Прэзідэнтам узгоднены прызначэнні ў мясцовай вертыкалі ўлады

Эканоміка і людзі ў рэгіёнах, міжканфесійны мір, дакладная праца міністэрстваў.

Такое кола пытанняўпрэзідэнт акрэсліў перад новымі кіраўнікамі. Па выніках кадравага панядзелкаУладзімір Арлоўскі прызначаны старшынёй Мытнага камітэта. Гэта для яго павышэнне з пазіцыі першага намесніка ў ведамстве. Пасада больш як месяц была вакантнай пасля таго, як Юрый Сянько ўзначаліў дыпламатычную місію ў Кітаі. Аляксандр Румак прызначаны ўпаўнаважаным па справах рэлігій і нацыянальнасцяў. У зоне яго адказнасці каардынацыя працы ў сферы міжнацыянальных і міжканфесійных адносін у краіне.

Таксама змены ў рэгіянальнай уладзе. Адбылася ратацыя кіраўнікоў раёнаў у Віцебску і прызначэнне ў Мінскай вобласці. Так, напрыклад, Дзяніс Дзішук узначаліць Бярэзінскі райвыканкам. Змены закранулі пул намеснікаў у некаторых міністэрствах.

Узмацненне ў Міністэрстве аховы здароўя - Дзмітрый Чараднічэнка ўзгоднены намеснікам, а Алена Богдан зараз першы намеснік міністра аховы здароўя. Экс-памочнік прэзідэнта па Гродзенскай вобласці Іван Лаўрыновіч будзе працаваць намеснікам міністра працы і сацыяльнай абароны. На павышэнне пайшоў Сяргей Міцянскі - зараз ён намеснік міністра ў эканамічным ведамстве.