Прэзідэнт сустрэўся з работнікамі холдынга "Гарызонт"

Прэзідэнт наведаў прадпрыемства "Гарызонт". Гэта вялікі холдынг, які ўключае 16 камерцыйных арганізацый. Сёння вытворчасць не пастаўлена на паўзу: цэхі працуюць. І нават ва ўмовах пандэміі ёсць устойлівы попыт і на тэлевізары, і на іншую прадукцыю. Абсалютная большасць тавараў ідзе на экспарт.

Аб'ёмы вытворчасці за апошнія 5 гадоў павялічыліся ў 4 разы. Пастаўкі ідуць як у краіны блізкага, так і далёкага замежжа. Асвойваюць выпуск і новых відаў прадукцыі. Акцэнт на інавацыі, тры чвэрці тавараў холдынга менавіта такія. Навінка - лазерны тэлевізар - пакуль у абмежаванай партыі, неўзабаве з'явіцца ў продажы.

На прадпрыемстве працуюць каля 4 тысяч чалавек. Занятыя яны ў розных сферах: ад распрацоўкі і вытворчасці бытавой і прамысловай электронікі да будаўніцтва, лагістыкі і паслуг. Холдынг функцыянуе з прыбыткам, а гэта даходы беларусаў. Размаўляючы з работнікамі прадпрыемства, прэзідэнт падкрэсліў правільнасць прынятага рашэння аб захаванні і развіцці "Гарызонта". Завод не развалілі, не прадалі, а наадварот падтрымалі.

Прэзідэнт пацвердзіў, што прадпрыемства будуць падтрымліваць і надалей, паколькі вынікі радуюць. Спыталі кіраўніка дзяржавы і пра яго рашэнне аб’явіць гэты год Годам народнага адзінства.

Аляксандр Лукашэнка заклікаў не парушаць закон і кожнаму займацца сваёй справай, развіваючы вытворчасці, у першую чаргу думаць не пра сябе, а пра сваіх дзецей, дзе яны пасля будуць працаваць.

"Хай гэта меншасць, але гэта мае людзі, як бы ні пафасна гучала", - сказаў кіраўнік дзяржавы пра тых, хто супрацьстаіць дзеючай уладзе. "Калі хтосьці аблудны быў, я таксама хачу, каб яны пачулі: іншага кавалка зямлі ў нас не будзе. І не забывайце, мы (вось гэта імгненне найважнейшае) можам страціць усё. Беззваротна. Мы ўжо ніколі не вернемся да гэтага", - дадаў Аляксандр Лукашэнка.

Размова ішла і аб кампаніі па пашырэнні выкарыстання электраэнергіі ў розных сферах, уключаючы транспарт і ацяпленне памяшканняў. Тут "Гарызонту" таксама ёсць што прапанаваць: на прадпрыемстве наладзілі выпуск электрычных воданагравальнікаў. Падрабязнасці вечарам у "Панараме".