Сацыяльна-эканамічнае развіццё рэгіёна і сустрэча з актывам вобласці. Прэзідэнт з рабочай паездкай у Гродне

Кіраўнік дзяржавы сёння знаходзіцца з рабочай паездкай у Гродзенскай вобласці. У гэтыя хвіліны беларускі лідар праводзіць нараду з актывам рэгіёна. Гаворка ідзе пра сацыяльна-эканамічнае развіццё вобласці. Але традыцыйна яшчэ да пачатку гэтага мерапрыемства адбылася размова пра стан спраў у АПК. Зараз сілы кінутыя на нарыхтоўку кармоў, трэба як мае быць падрыхтавацца да ўборкі збажыны і гародніны. Гаварылі і пра развіццё краіны, уплыў на гэта бягучай эпідэміялагічнай сітуацыі ў свеце.

Плануецца, што Кіраўнік дзяржавы таксама наведае "Гродна Азот". Там пачалі будаўніцтва новага азотнага комплексу пад ключ, паралельна ідзе мадэрнізацыя дзеючых вытворчасцяў. У выніку магутнасці павялічаць удвая, што дазволіць прадпрыемству захаваць канкурэнтаздольнасць за кошт паніжэння выдаткаў на сыравіну і энергарэсурсы, а таксама дасягнуць выйгрышнай цаны мінеральных ўгнаенняў і аміяку.