А. Сабаленка ў 1/8 фіналу тэніснага турніру ў Рыме згуляе з Коры Гауф з ЗША

Арына Сабаленка працягвае перамагаць на грунце! Пасля трыумфальнага выступлення ў Мадрыдзе, дзе яна заваявала свой дзясяты тытул у кар'еры ў адзінкавым разрадзе, у фінале абгуляўшы першую ракетку свету Эшлі Барці, сёння беларуска з перамогі стартавала на турніры ў Рыме з прызавым фондам больш за паўтара мільёна еўра. У 1/16 фіналу Арына не пакінула шанцаў іспанцы Сары Сарыбес-Торма 7:5, 6:1. Гэта вікторыя для нашай тэнісісткі стала сёмай запар. Наступнай саперніцы Арыны стане Коры Гауф з ЗША.