Арына Сабаленка выйшла ў 1/8 фіналу Australian Open

Арына Сабаленка паўтарыла асабістае дасягненне на Australian Open, але не збіраецца на гэтым спыняцца. Беларуска паспяхова пераадолела трэці круг першага ў сезоне мейджара. Усяго за гадзіну і пятнаццаць мінут на Margaret Court Arena беларуска справілася з Эліз Мерценс - 6:2, 6:3.

За выхад у чвэрцьфінал Сабаленка паспрачаецца з алімпійскай чэмпіёнкай Токіа швейцаркай Беліндай Бенчыч. Нагадаем, у 1/8 выступіць і Вікторыя Азаранка. Яна рыхтуецца да супрацьстаяння з кітаянкай Чжу Лінь.

Азаранка перамагала на мясцовым мейджары двойчы: у 2012 і 2013 гадах.