Азаранка і Сасновіч выйшлі ў другі круг тэніснага турніру Australian Оpen

Аляксандра Сасновіч і Вікторыя Азаранка выйшлі ў другі круг Australian Оpen, а Ілья Івашка, які правёў першы паядынак сёлета, прайграў у першым раўндзе.

16 студзеня пачалася асноўная сетка першага турніру Вялікага шлема ў сезоне. Сасновіч перамагла Фрухфіртаву, 7:5, 6:2, а Азаранка мацнейшая за трыумфатара Мельбурна 2020 Кенін, 6:4, 7:6. Першая ракетка краіны і пятая ў свеце Арына Сабаленка пачне выступленне заўтра. Ёй у саперніцы дасталася прадстаўніца Чэхіі Тэрэза Марцінцава.