Два рэкорды свету пастаўлены на спартыўна-патрыятычным мерапрыемстве "Чэмпіёны свету за моцную Беларусь"

Адразу два рэкорды свету былі пастаўлены 27 верасня на спартыўна-патрыятычным мерапрыемстве "Чэмпіёны свету за моцную Беларусь", прымеркаваным да Дня работніка крымінальнага вышуку. Шматразовыя рэкардсмены Кнігі рэкордаў Гінеса Вячаслаў Харанека і Сяргей Заслаўскі падалі заяўкі ў міжнародныя інстанцыі. Сёння ў спарткомплексе "Дынама" пад судзействам незалежных экспертаў яны здзіўлялі публіку.

Беларус Сяргей Заслаўскі пабіў сусветны рэкорд амерыканца Роберта Нельсана, які ў жыме 70-кілаграмовай штангі стоячы за 60 секунд зрабіў 20 паўтораў. Наш суайчыннік падняў яе 21 раз.

Яшчэ адзін, чарговы рэкорд свету, паставіў Вячаслаў Харанека - 182 падняцці адной рукой 24-кілаграмовай гіры за 180 секунд.

Вячаслаў Харанека і Сяргей Заслаўскі ўсяляк прапагандуюць здаровы лад жыцця, выступаюць за больш дбайнае спартыўнае выхаванне беларусаў. Спартсмены спадзяюцца, што людзі, назіраючы такія вынікі, самі натхняцца іх прыкладамі.