Зборная Беларусі па гандболе правядзе таварыскі матч са зборнай Кітая

Гандбол з прыстаўкай супер чакае сёння прыхільнікаў ручнога мяча ў спарткомплексе "Уручча". Зборная Беларусі ў рамках таварыскай сустрэчы згуляе супраць зборнай Кітая. Гульня пачнецца ў 15:00, тэлеканал "Беларусь 5" пакажа матч у прамым эфіры. Гэтым паядынкам каманда Кітайскай Народнай Рэспублікі завершыць візіт у Беларусь, а гандбольныя федэрацыі дзвюх краін ужо анансуюць прадуктыўныя праекты, якія хутка пачнуць рэалізоўвацца.