Стартавы матч кваліфікацыі да чэмпіянату Еўропы-2022 для зборнай Беларусі па гандболе перанесены

Сустрэча з італьянцамі была запланаваная на 4 лістапада ў Мінску, але не адбудзецца ў сувязі з дзеючымі ў цяперашні час абмежаваннямі, звязанымі з пандэміяй каранавіруса. Зараз бакі ўзгодняць новую дату правядзення сустрэчы. Матч жа другога тура, дзе беларусы на выездзе пазмагаюцца з Латвіяй, адбудзецца, як і планавалася, 7 лістапада. Таксама ў нашым квартэце выступаюць нарвежцы.