Ілья Шымановіч усталяваў новы рэкорд планеты на дыстанцыі 100 метраў брасам

Нам ёсць чым ганарыцца! Інтарэсы беларусаў, дарэчы, адстойваюцца не толькі на палітычнай арэне, але і на спартыўнай. Аб гэтым дасягненні сёння гавораць у свеце: беларус Ілья Шымановіч усталяваў новы рэкорд планеты на дыстанцыі 100 метраў брасам.

На адкрытым чэмпіянаце краіны, які гэтымі днямі праходзіць у Брэсце, у 25-метровым басейне Ілья паказаў час 55,34 секунды. Гэта на 0,07 лепш за папярэдні рэкорд планеты, які належаў брытанцу Адаму Піці. Ён быў усталяваны 22 лістапада. Ранейшы асабісты рэкорд Шымановіча складаў 55,49 секунды. Віншуем беларускага атлета.