Лукашэнка: Напружанае міжнароднае становішча - не падстава скласці рукі для спартсменаў

Напружанае міжнароднае становішча - не падстава скласці рукі для спартсменаў. Пра гэта Аляксандр Лукашэнка гаварыў на нарадзе па выніках Алімпіяды ў Пекіне. Беларусы там заваявалі два медалі, здавалася б, у гісторыі выступленняў вынік і не горшы. Але, па-першае, золата балельшчыкі не дачакаліся, па-другое, у агульным медальным заліку не трапілі нават у дваццатку. А таму наяўны патэнцыял не рэалізаваны і напалову. Апроч трэнерскіх пралікаў, відавочна, што нашы атлеты аказаліся не гатовыя і псіхалагічна да павеваў часу.