Мінскае "Дынама" пачынае хатнюю серыю матчам з аднаклубнікамі з Рыгі

Мінскае "Дынама" вяртаецца на "Мінск-Арэну". Сёння "зубры" ў першым матчы чарговай хатняй серыі рэгулярнага чэмпіянату КХЛ згуляюць з аднаклубнікамі з Рыгі. Абедзве каманды выступаюць у Заходняй канферэнцыі. Калі "Дынама" займае пяты радок, то рыжане замыкаюць турнірную табліцу. Дарэчы, у адыходзячым годзе "зубры" гэтым сапернікам пакуль не прайгравалі. "Беларусь 5" пакажа матч у прамым эфіры. Пачатак трансляцыі ў 17:10.