Свет смуткуе па Дыега Марадоне. У Аргенціне - трохдзённая жалоба

Свет смуткуе па Дыега Марадоне. У Аргенціне, на радзіме легендарнага футбаліста, - трохдзённая жалоба. У яго памяць улады вырашылі падсвятліць колерамі нацыянальнага флага шэраг будынкаў. У бела-блакітны колер афарбаваўся галоўны манумент - абеліск Буэнас-Айрэса, а плошча перад ім стала ўсеагульным месцам смутку па найвялікшым спартсмене сучаснасці. Сюды сцягваюцца сотні людзей, у гонар Марадоны ў неба запускаюць феерверкі.

Да дома, дзе жыў Марадона, а таксама ў раён, дзе ён нарадзіўся, людзі нясуць кветкі і свечкі. Былы гулец і трэнер зборнай Аргенціны па футболе Дыега Марадона памёр ва ўзросце 60 гадоў. Развітанне пройдзе сёння ў прэзідэнцкім палацы ў цэнтры Буэнас-Айрэса.