На якое месца падняўся "Металург", атрымаўшы пятую перамогу запар у чэмпіянаце Беларусі па хакеі
Аўтар:Рэдакцыя news.by
Жлобінскі "Металург" атрымаў пятуюперамогу запар. На гэты раз каманда Дзмітрыя Краўчанкі перайграла "Нёман" з лікам 3:1. У двух першых перыядах гасцей выратоўваў варатар Аляксандр Самойлаў, за ўвесь матч на яго рахунку 35 сэйваў. Не атрымалася выратаваць каманду толькі аднойчы - у другой дваццаціхвілінцы прама перад ім наброс ад сіняй лініі падкарэктаваў форвард "Нёмана" Ігар Казячы. У трэцім перыядзе Ягор Воранаў спачатку зраўняў лік, а пасля госці двойчы рэалізавалі большасць. Вызначыліся Арцём Валчанкоў і Сяргей Касціцын.
Гэта перамога дазволіла "Металургу" абысці "Юнацтва" і падняцца на чацвёртае месца ў турнірнай табліцы. Наступны матч "ваўкі" таксама правядуць супраць "Нёмана" ў найбліжэйшую суботу.