Агонь II Еўрапейскіх гульняў працягвае эстафетнае шэсце

Сёння чарговы этап на шляху ў Беларусь: пераезд з італьянскага гарадка Курмаёр у сталіцу Славеніі - Любляну. Напярэдадні ж альпіністы, якія паднялі на вяршыню гары Манблан факел, ізноў перадалі агонь сёлетняй галоўнай спартыўнай падзеі Старога Свету байкерам. Рэпартаж з Італіі Станіслава Ліпскага.

Перад гэтым быў пераадолены найскладанейшы шлях на вяршыню гары Манблан. Вертыкальны этап эстафеты атрымаўся драматычным: парывы ветру дасягалі 80 кіламетраў за гадзіну. На лядовым грэбні ў такіх умовах вельмі небяспечна, але беларускія альпіністы з задачай справіліся. Ні снегапад, ні стомленасць не зламалі нашых хлопцаў. Дарэчы, пабываў на Манблане і флаг Белтэлерадыёкампаніі.

Стомленасць на твары змянілася на ўсмешку ў момант вяртання агню II Еўрапейскіх гульняў байкерам. Момант атрымаўся эмацыйным. Альпіністам неабходна адпачнуць пасля такога паходу. Байкерам жа, наадварот, час адпраўляцца ў дарогу.