Зборная Беларусі па хакеі завяршае "Вялікі тур"

Беларускія хакеісты 16 мая на "Чыжоўка-Арэне" завяршаюць "Вялікі тур зборнай" чарговым матчам з камандай Расіі, у якую ўвайшлі гульцы не старэйшыя за 25 гадоў.

Напярэдадні нашы хлопцы атрымалі перамогу з лікам 3:2, і гэты матч стаў першым дамашнім для беларускай зборнай з лютага мінулага года. Адзначым, у гэтым паядынку за гаспадароў згуляў Ілья Усаў. Увесь цяперашні сезон хакеіст выступаў у АХЛ за "Сірак’юз Кранч". Усяго 9 дзён таму для клуба скончыўся плэй-оф, і Усаў паспеў прыляцець на радзіму і выступіць дома.

Ці ўдасца сёння паставіць прыгожую кропку ў турніры? Даведаемся з прамой трансляцыі на канале "Беларусь 5". Стартавае ўкідванне ў 19:10.