Зборная Беларусі заняла 3-е месца ў медальным заліку на ЧМ па мастацкай гімнастыцы

Поспех, якога даўно не было! Зборная Беларусі заняла трэцяе месца ў медальным заліку на чэмпіянаце свету - 2021 па мастацкай гімнастыцы ў Японіі. Беларускі заваявалі 7 узнагарод: Аліна Гарнасько ўзяла золата ў практыкаваннях са стужкай, серабро ў мнагабор'і і выступленнях з абручом і бронзу ў практыкаваннях з мячом. Анастасія Салас стала трэцяй у практыкаваннях з булавамі. Беларускі таксама заваявалі бронзавыя ўзнагароды ў камандным мнагабор'і і групавых практыкаваннях. Сёння каманду з бліскучым выступленнем павіншаваў Прэзідэнт, адзначыўшы штодзённую і карпатлівую працу каманды.

"На чэмпіянаце свету ў Японіі ўсёй камандай вы адкрылі новую яркую старонку ў летапісе беларускай мастацкай гімнастыкі. Я віншую ўсіх, хто спрыяў гэтаму сапраўднаму трыумфу, хто зрабіў усё магчымае, а часам і немагчымае, каб беларускія грацыі ўзышлі на сусветны п'едэстал. Дзякуй за бліскучае выступленне! Вамі ганарыцца Беларусь!" - гаворыцца ў віншаванні.

З сямі ўзнагарод самая каштоўная - сярэбраная Аліны Гарнасько. Яна яшчэ раз пацвердзіла ўсяму свету, што з'яўляецца другой сілай у сучаснай гімнастыцы ў гэтым сезоне, што яе медаль Алімпіяды ў Токіа быў цалкам заслужаны.