Стан і развіццё інваспорту ў Беларусі

Гэтую сустрэчу чакалі 10 гадоў. У фармаце відэаканферэнцыі ў Мінспорту прайшла калегія, галоўнай тэмай якой стаў стан і развіццё спорту інвалідаў. Дзяржава робіць шмат для развіцця паралімпійскага і дэфлімпійскага руху, аднак і без праблем не абыходзіцца. Зараз у Беларусі больш за 4 тысячы чалавек з асаблівасцямі фізічнага развіцця займаюцца фізкультурай і спортам. З іх 547 праходзяць прафесійную падрыхтоўку. Гэта тыя атлеты, якія выступаюць або будуць выступаць на спаборніцтвах. Са спартсменамі працуюць 93 трэнеры. Менавіта недахоп кваліфікаваных трэнерскіх кадраў - адна з праблем. Не хапае і інструктараў-метадыстаў па адаптыўнай фізічнай культуры.

У краіне не хапае груп і аддзяленняў па рабоце з атлетамі-інвалідамі. Таксама неабходна стварыць безбар'ернае асяроддзе на спартыўных аб'ектах.

Зараз беларусы заваявалі 11 ліцэнзій на Паралімпіяду ў Токіа, 10 квот у плаванні і 1 у лёгкай атлетыцы.