Поспех беларусак на чэмпіянаце Еўропы па мастацкай гімнастыцы

Па сапраўднаму багатым на медальны ўраджай выдаўся для нашых гімнастак заключны дзень чэмпіянату Еўропы, які прымала балгарская Варна. Пасля серабра ў камандным заліку, заваяваным напярэдадні, нашы дзяўчаты сёння выйгралі 4 медалі ў асабістым заліку. Анастасія Салас двойчы паднімалася на трэцюю прыступку п'едэстала гонару за практыкаванні з абручом і булавамі. Аліна Гарнасько спачатку выйграла бронзу за кампазіцыю з мячом, а пасля ўзяла і серабро за практыкаванне са стужкай.

Нагадаем, кантынентальны форум стаў заключнай спаборніцкай праверкай сіл перад Алімпійскімі гульнямі ў Токіа, дзе беларускія спартсменкі, безумоўна, будуць аднымі з прэтэндэнтак на ўзнагароды.