У Кантыялахці сёння дзвюма гонкамі завершыцца другі ў сезоне этап Кубка свету па біятлоне

Спачатку на дыстанцыю эстафеты адправяцца мужчыны. Зборная Беларусі выступіць пад нумарам 8. Нашу краіну прадставяць Мікіта Лабастаў, Сяргей Бачарнікаў, Максім Варабей і Антон Смольскі. Прамая трансляцыя - на "Беларусь 5" у 14:35.
У 17:05 ужо ў эфіры "другой кнопкі" жаночая гонка праследавання. Дзінара Алімбекава першай з нашых лыжніц сыдзе на дыстанцыю. У яе будзе лічба 7 на біпе. Дзяўчына прайграе лідару 50 секунд. Таксама ў пасьюце выступіць Алена Кручынкіна. Яна 29-я. Ганна Сола стартуе 45-й.