Акцыі пратэстаў у Францыі імкліва ідуць на спад

Новы антырэкорд у гісторыі жоўтых камізэлек. Акцыі пратэстаў у Францыі імкліва ідуць на спад. Напярэдадні на маніфестацыі выйшла ўсяго каля 19 тысяч чалавек па ўсёй краіне, 1200 з якіх сабраліся ў Парыжы. Гэта на дзве сотні чалавек менш, чым у мінулую суботу. Зрэшты, такія лічбы прыводзяць улады. Самі камізэлькі сцвярджаюць, што ўчора ім удалося мабілізаваць каля 37 тысяч людзей па ўсёй краіне. Акцыі ў Парыжы прайшлі адносна спакойна, больш горача было ў рэгіёнах. У Нанце і Бардо не абышлося без сутычак з паліцыяй. Затрыманы дзясяткі чалавек.