Больш за 20 тыс. чалавек у Аўстраліі засталіся без святла з-за цыклону

Больш за 20 тыс. чалавек у Аўстраліі засталіся без святла з-за трапічнага цыклону "Кодзі".

Шторм абрынуўся на ўсходняе ўзбярэжжа. Моцны вецер і ліўні пашкодзілі лініі электраперадачы і інфраструктуру. Улады папярэджваюць аб пагрозе паводак у рэгіёне на найбліжэйшыя двое сутак.

Дзіўна, але на паўднёвым захадзе краіны бушуе іншая стыхія. Там працягваецца экстрэмальная спякота, якая выклікала маштабныя лясныя пажары. У штаце Вікторыя з-за гэтага ўжо загінуў як мінімум адзін чалавек, згодна з рознымі ацэнкамі, разбурана больш за 300 будынкаў. Узровень небяспекі там найвышэйшай катэгорыі.