Эрдаган: Пошукава-выратавальным атрадам у Турцыі атрымалася выратаваць з-пад завалаў больш за 8 тыс. чалавек

Пошукава-выратавальным атрадам у Турцыі атрымалася выратаваць з-пад завалаў больш за 8 тысяч чалавек, заявіў прэзідэнт краіны Рэджэп Эрдаган. Турэцкі лідар назваў тое, што адбылося, найвялікшым бедствам у гісторыі не толькі краіны, але і ўсяго чалавецтва. Эрдаган нагадаў, што Турцыя атрымала паведамленні з падтрымкай больш чым ад ста краін свету. Ён выказаў падзяку ўсім дружалюбным дзяржавам, якія аказалі дапамогу і адправілі свае пошукава-выратавальныя атрады. На жаль, лік загінуўшых працягвае расці па меры таго, як ратавальнікі разбіраюць завалы. Паводле апошніх звестак, колькасць ахвяр у Турцыі вырасла амаль да 32 тысяч.