Вывяржэнне вулкана на Ла Пальме становіцца больш грозным

Вывяржэнне вулкана на востраве Ла Пальма не проста працягваецца, але становіцца ўсё больш грозным. Навукоўцы адзначаюць, што лавы стала больш і яна зрабілася значна больш цякучай. На курортным востраве знішчана каля тысячы хат і дзясяткі кіламетраў аўтадарог. Там, дзе струмені расплаўленай пароды сустракаюцца з вадой, увесь час грукочуць выбухі. З 85 тысяч жыхароў Ла Пальмы прыйшлося эвакуіраваць больш за 6 тысяч: вярнуцца шматлікім няма куды, але нават шчасліўчыкам прыйдзецца правесці ўдалечыні ад дому нявызначана доўгі час - заканчвацца вывяржэнне не збіраецца. Адзіным суцяшэннем жыхарам Канарскіх астравоў можа служыць тое, што застылыя струмені лавы істотна павялічылі плошчу Ла Пальмы.