Хасэ Антоніа Каст перамог у другім туры прэзідэнцкіх выбараў у Чылі

Прыхільнік амерыканскага лідара Дональда Трампа і аргенцінскага прэзідэнта Хаўера Мілея, ультраправы палітык Хасэ Антоніа Каст перамог у другім туры прэзідэнцкіх выбараў у Чылі. За яго прагаласавалі больш чым 58 % выбаршчыкаў.

Вядома, што абраны кіраўнік дзяржавы выступае за скарачэнне ўмяшання ў эканоміку, падтрымлівае жорсткія меры па барацьбе са злачыннасцю і нелегальнай міграцыяй. Ён таксама абяцаў знізіць дзяржаўныя выдаткі і паставіць загароды на мяжы з Балівіяй. Палітык з'яўляецца праціўнікам эўтаназіі, абортаў, разводаў і аднаполых шлюбаў.

Каст уступіць на пасаду ў сакавіку 2026 года.