Лаўроў: Кіеў гатовы зрабіць усё, каб сарваць перамовы

Замах на генерала Уладзіміра Аляксеева ў Маскве - гэта тэрарыстычны акт, які чарговы раз пацвердзіў скіраванасць рэжыму Зяленскага на пастаянныя правакацыі і зрыў перамоў. Пра гэта заявіў кіраўнік МЗС Расіі Сяргей Лаўроў.

Аляксееў знаходзіцца ў бальніцы ў цяжкім стане. Па адной з версій сілавікоў, замах магла ажыццявіць жанчына-кілер. Яна зрабіла некалькі выстралаў у вайскоўца ў пад'ездзе дома і ўцякла. Вядзецца вышук. Следчыя таксама апытваюць сведак і вывучаюць запісы з камер назірання. Аляксееў, адзначым, намеснік Ігара Касцюкова, які ўзначальвае расійскую перагаворную групу ў ААЭ.