Польскі шантаж, або што афіцыйная Варшава хоча ад Бруселя?

У Бруселі не выключаюць стварэнне фонду аднаўлення эканомікі без удзелу Польшчы і Венгрыі. Нагадаем, гэтыя краіны адмовіліся адобрыць бюджэт ЕС на сем гадоў і еўрафонд аднаўлення пасля пандэміі.

Афіцыйная Варшава абураная тым, што польскія традыцыйныя каштоўнасці не прызнаюцца ліберальным Еўрасаюзам. І польская апазіцыя заявіла, што дзеянні іх улад прывядуць да выхаду з ЕС.

Аднак аналітыкі нагадваюць, што Польшча атрымала ад Еўрасаюза з моманту ўступлення больш як 163 мільярды еўра. Гэта даныя Мінфіна. На гэтыя грошы ў Польшчы была пабудавана тэхнічная інфраструктура. А паводле праекта новага бюджэту, Варшава павінна атрымаць 139 мільярдаў з еўрапейскіх фондаў і 34 - у выглядзе крэдыту. Словам, блакіроўка законапраекта не ў яе інтарэсах. Да таго ж членства ў ЕС падтрымліваюць больш як 80 працэнтаў палякаў, а 73 працэнта нічога не маюць супраць прынцыпу вяршэнства права. Адзначым, бюджэтную тэму абмяркуюць падчас нарады Савета ЕС 10 - 11 снежня.