Пасольства Украіны ў Польшчы накіравала ноту з просьбай аб правядзенні бесстаронняга і хуткага следства з-за смерці ўкраінца пасля затрымання ў Вроцлаве

Пасольства Украіны ў Польшчы накіравала ноту з просьбай аб правядзенні бесстаронняга і хуткага следства з-за смерці ўкраінца пасля затрымання ў Вроцлаве. Аб інцыдэнце стала вядома 30 ліпеня. 25-гадовага Дзмітрыя Нікіфарэнку з Вінніцкай вобласці затрымала паліцыя і адправіла ў выцвярэзнік. Як паведамілі польскія СМІ, мужчыну прывязалі да ложка, метадычна збівалі і душылі, у выніку той памёр. Пасля агалоскі дэталяў справы чатыры паліцэйскія, якія затрымлівалі мужчыну, былі адхілены ад выканання сваіх абавязкаў, двух з іх звольнілі са службы. Афіцыйна прычына смерці ўкраінца да гэтага часу не ўстаноўлена, яго пахавалі на радзіме ў сярэдзіне жніўня.