SpaceX адправіць у космас турыстаў

Кампанія SpaceX збіраецца адправіць першы камерцыйны тур у космас. Набор турыстаў ужо аб'яўлены. Місія атрымала назву Inspiration4. Камандзірам стане амерыканскі мільярдэр Джарэд Ісаакман. Ён жа аплаціць месцы іншых астранаўтаў у першым у гісторыі цывільным экіпажы. Палёт на нізкую калязямную арбіту пачнецца з касмадрома на мысе Канаверал і будзе працягвацца некалькі дзён. Падаць заяўку на ўдзел можна на спецыяльным сайце місіі. Таксама неабходна пакінуць ахвяраванне для дзіцячай анкалагічнай бальніцы, якую спансіруе маючы адбыцца палёт.