Сталі вядомыя падрабязнасці плана Дональда Трапма па хуткім завяршэнні ўкраінскага канфлікту

"Вайна на знясіленне, якая заб'е цэлае пакаленне маладых людзей", - так ахарактарызаваў тое, што адбываецца ва Украіне, саветнік Дональда Трапма. Раскрываюцца падрабязнасці плана экс-прэзідэнта ЗША па хуткім завяршэнні ўкраінскага канфлікту. Амерыканскі палітык не раз запэўніваў грамадскасць, што зрабіць гэта яму ўдасца за 24 гадзіны.

Паводле інфармацыі Рэйтэр, два ключавыя саветнікі Трампа прапанавалі яму план па правядзенні мірных перамоў паміж Расіяй і Украінай. У выпадку перамогі палітыка на восеньскіх выбарах у ЗША Белы дом паставіць Кіеву ўльтыматум: новае ўзбраенне краіна атрымае толькі пасля таго, як сядзе за стол перамоў.

Таксама прадугледжваецца, што членства Украіны ў НАТА будзе адкладзена на працяглы тэрмін. Такі сцэнарый, як паведамляе інфармагенцтва, Трамп адобрыў.