Жалоба ў сувязі са смерцю Лізаветы прадоўжыцца ў Вялікабрытаніі 10 дзён

Вялікабрытанія смуткуе па каралеве Лізавеце II, якая памерла. Жалоба ў краіне прадоўжыцца 10 дзён. На сайце каралеўскай сям'і адкрылася кніга спачуванняў. Царкоўныя званы сёння будуць гучаць па ўсёй Англіі на працягу гадзіны пасля поўдня. Труна з целам Лізаветы II будзе суткі знаходзіцца ў саборы святога Эгідыя ў Эдынбургу, каб людзі маглі з ёй развітацца.

Пераемнікам Лізаветы стаў яе старэйшы сын Чарльз. Ён узяў троннае імя - Карл III і ўступіў у правы манарха. Уначы вялікая колькасць людзей сабралася ля сцен Букінгемскага палаца, яны скандзіравалі "Жыве кароль!".

Сёння чакаецца яго першы зварот да нацыі ў новым статусе, гэтак жа, як і афіцыйная цырымонія абвяшчэння новага манарха. Зараз Карл стаў кіраўніком Садружнасці нацый (асацыяцыі больш як паўсотні незалежных краін, у якіх жыве амаль два з паловай мільярды людзей). Акрамя таго, ён стаў кіраўніком 14 дзяржаў.